今年因為疫情，大半年都無番過學，所以我對佢成績都無咩期望。尋日派成績表，竟然比預期好，起碼中文合格，英文同數學都算唔錯，全部都比上學期有進步，功課都交多咗，老師話佢上堂留心添，真係老懷安慰。
選科方面，佢揀果幾科（Chem Bio ICT Psy Econ）都全部入到，真係幾開心。不過我其實一向都唔擔心佢成績，最擔心反而係佢身體發展，成日無運動攤喺度唔郁，究竟對健康會唔會有影響？
中二成績表
分類: 學無涯
同理心
食壽司的時候，米B跟我分享學校關於同理心的主題。她說：其實同理之後又如何？做了壞事就是無論你有甚麼苦衷，其實結果都是做了壞事，是不是？
我：對呀。
米Ｂ：我們就要原諒這個人嗎？
我：當然不是。同理心只是讓你理解壞人為甚麼會做壞事，不代表他沒有錯。
米Ｂ：對嘛，所以學校在說同理之後要原諒，我真的反眼反到到上太空。
我：I totally agreed with you。不過學校這樣說也許有原因，因為原諒了才能move on。恨憎別人要花很多能量。但原諒與否其實很視乎每個人的接受能力。有些人可以有些人不行，重點是個人選擇而不是盲目地原諒。勉強去原諒一些賤人反而會導致自己的心理不平衡，可能有反效果。
米Ｂ：哦。
所以說，有時學校所教的並非絕對的真理，不過很高興米Ｂ會有自己的意見，更會提出來討論，當然我所講的也不是真理，但會質疑才是獨立思考的第一步。
中二選科
估唔到話咁快就到咗要選科嘅時候，記得我果陣係中三乜科都要讀，中四就選文科或理科。而家就唔係咁玩法，中三就要揀幾個科讀，好處係唔駛浪費時間讀啲自己唔想讀嘅嘢，壞處係，大佬，佢地想讀乜其實都無咩概念，結果咪就係亂咁揀。
學校都有介紹下選科對將來揀大學學科嘅影響，唔會好似我咁on99揀咗文科然後就後悔。至於米Ｂ想揀咩科我當然無咩意見，最多係講下咩科容易讀，例如最容易梗係Econ XD。因為討厭歷史同中文差，對文學又零興趣，所以佢都係以理科為主；結果佢好實際咁揀咗Chem同Bio（考慮大學選科），另外就係IT（受佢老豆影響）同Psychology／Econ（好明顯係我嘅影響），真係大個女完全唔駛我地擔心。
雖然學校受到疫情影響大部份時間用zoom上堂，不過暫時睇唔到對學術上有咩影響（係中文科連木籣辭都無時間教，不過算啦），社交就如佢阿媽一樣咁差，我都無話可說，佢老豆就成日blame我話我影響佢，真係六月飛霜，明明佢自己咪一樣自閉無朋友。話時話，中一同中二嘅學習生涯就比呢個疫情破壞咗，希望下個學年會正常番啦，唉。
中二家長日
上星期六家長日，疫情關係都係用zoom，其實我覺得ＯＫ的。成績方面都係中遊啦，英文算好（聽講某科全班得佢一個僅僅合格）但中文很差，視藝也差因為不交功課。老師話佢可以擅用其英文優勢，幫下英文較差的同學。我話老師呀其實佢連同學都見唔到咁點幫呢？其實用zoom上堂真係好大挑戰，跟本好難集中精神，老師都話成績普遍全線下滑，都無咩辦法，都係重覆果三幅屁啦，留心上堂啦，交功課啦，之類。重有文言文真係連我都要投降，次次都係Google先識咋，不過我都同佢講盡力啦，修辭手法我覺得唔重要，但閱讀理解真係要識，唔好做Facebook上面閱讀理解０分果班盲毛。
另外視藝我質問佢做咩唔交功課，佢話好麻煩，特別係art critics。唉又係啲我唔識嘅嘢，算數啦唯有。基本上學術上嘅嘢佢都唔駛我擔心啦，真係老懷安慰，日後公開試大學之類點點點，就留番日後再煩啦。
YouTube Learner
當她說同學的英文說得像鬼食泥的時候 (佢個exact wording 係 muttering，鬼食泥呢D廣東話佢識鬼)，我不禁想起當初任由她看YouTube竟然收到意想不到的效果。不過她的中文爛到飛起，字也寫得醜，其實也沒有甚麼好沾沾自喜的。所以說，腦容量有限，看你的選擇如何。
電話家長日
米Ｂ學校由一月中開始停課，到現在都差不多個多月，估計若三月中復課的話，大大話話都放咗兩個月假，長過暑假，真係人都懶散哂。不過我預計暑假都係要補課，而家叫做預支假期啦。條友就日日夜夜Youtube睇漫畫打機，真係快活過神仙。今個星期學校就安排開始視像上堂，不過叫班小學雞自律真係難過登天。今日上第一堂就見佢喺度打機你話點攪。
上星期六收到班主任電話，因為疫症關係所以改咗用電話家長日，其實我覺得都差唔多反正都無咩特別。成績方面就喺中遊位置，自律方面（交功課帶嘢果Ｄ啦）可以改進，都算樂於助人，同學相處無乜問題咁。由小學轉中學課程都尚算適應到，不過嚟緊課程會更緊凑更深，打天才波懶懶散散咁就唔得架啦，老師話。
好老實講其實學術上我已經無乜理佢，話哂都係哎吔中學生，應該識得自己攪掂啦下話，反而米爸有時重緊張過我。
見步行步啦。
成績公布
全部合格，6x咁啦。
同佢講「不如努力D啦！」
“Nope!"
都唔知講咩好。
好啦打機打到眼盲啦下。
考試
呢排考試，其實一向都無咩理佢點温，不過每日都見到佢好似平時放假咁睇電話，或者一邊Youtube一邊温書，都有小小擔心嘅。不過其實都中學生，由得佢算。
睇下考成點先再諗。
循環再用
為了應付暑期功課的作文，米Ｂ告訴我們她會把上一學年的作文循環再用。我應該稱讚她誠實，聰明定係環保好呢。。。
＃慈母多敗兒
暑假尾聲
話咁快暑假只剩下一星期，呢個暑假米Ｂ應該大部份時間都喺Youtube上渡過，功課就佢話就快做哂，中文書都應該有睇過唔少。暑期活動照舊hea到乜咁兼浪費金錢（攪到我要投訴真係史無前例），最大收獲係佢愛上咗食冷麵同玩滾軸溜冰。
新一年唔知又會有咩挑戰呢？真心希望佢成績好番Ｄ唔駛我再煩囉。
Are U Ready 4 Life 