晚上跟米Ｂ談過關於她班中的sociopath，米Ｂ一副無所謂我唔驚佢的樣子，卻令我更加擔心。我當然希望我的擔心都是無謂的，但我前陣子在圖書館借了一本關於bully的英文故事書，她竟然有興趣去讀，令我不禁擔心其實她和bully似乎有一定的關係。
但擔心又有用咩？畢竟學校並非在我們的安全網下，任何發生的事情都要她自己承擔，我們可以做的實在不多，唯有記住提自己開學後記得傾多Ｄ計唔好掛住打機啦。
分類: 寫真館
專頁換季
天氣熱，見到條banner都熱，係時候換一換季～
春天２０１８
夏天２０１８
10年成長史濃縮版
每年這個時候，都要做這個成長記錄，看著一個ＢＢ日漸長大，那感覺真是奇妙～
(updated 12 Dec 2017)
看起來近兩3年樣子都沒變過啊～
倒數
今年萬聖節
今年有人說要扮女巫，不過淘寶的女巫衫好似麻麻地，結果買了吸血鬼衫給她，都ＯＫ啦不過著幾分鐘又要花幾十呅真係無謂。。。
下年應該不會再肯著這些衫了吧～ XD
Backup pls, its Free!
上FB常常會撞到這種貼文：
我的電話不見了！內有珍貴照片！如有拾獲薄酬。。。
然後留言又必定會有人講：
點解唔Backup呢？
人性就是如此，經常心存僥倖又懶又怕麻煩。不過我真心希望大家看完這篇文之後去做下Backup，因為真係好容易，免駁線無Setup，而且最重要完全免費。
首先大家要開個Google戶口，點開都唔識的請自行Google。
然後Download個Google Photo。
將電話入邊想要Backup嘅相都upload哂上去，鍾意就好似我咁每個月開個album。
呢個動作每個月只需要做一次（你鍾意日日做都得），就可以確保所有相都唔會丟失，而且費用全免，隨時隨地（當然有Wifi最好啦唔駛浪費你D流動數據）。
係咪好容易呀? 快D Backup啦。
＃非廣告 無收Google錢
＃純粹睇唔過人咁多人跌電話又唔Backup好心煩
當年今日
無無聊睇下公司電腦入面Ｄ舊相，執出黎得閒望下都開心～
2015年及之前 (8歲前)係會乖乖地影相嘅，2016年後，影相要睇心情；2017年呢，影相要攞批准兼解釋，所以靚相就越黎越少……
記錄
這個Blog跟米Ｂ一樣也是隨著歲月成長，下面記錄了由出生到最近的樣子：
最新手痕又想改look，不過等緊靚相做Banner
溜冰堂＠Glacier (Part II)
很快又到第二堂的溜冰堂，老師仍然是貌似東方昇的Mike Sir。
簡單複習上一堂的課後，就開始學習新技巧。今堂要教她們向前和向後溜。
先在地下畫上記號，目標是要沿著線條前後移動。（米B咩事笑得咁開心？）
只見她們努力的在前前後後移動，雖然米B溜冰已經算是不錯，但向後溜還是未能掌握。不過見她也玩得相當高興，有朋友仔一起學果然是開心得多。
溜冰課的第三堂，很高興又有新野學了，今堂的挑戰是單腿行走！
這個技巧米B尚未試過去，不過經過教練的指導，兩個小妮子都做得有板有眼的樣子。
左腳和右腳也要好好練習喔，看起來做得很不錯呢～
很期待之後兩堂的課程！
如果大家對溜冰課程有興趣，可以考慮參加Glacier的暑期溜冰課。為期六堂, 課程收費一律為港幣1,050元
有興趣的朋友可參閱宣傳單張… CLICK HERE
2015大件事回顧
今天已經是2016年5月，我還在寫2015回顧？傻的嗎？原因很簡單，因為之前忘了寫呀！今天在FB揾相的時候才醒起，就利用FB的相簡單來個回顧。
最大件的事，當然就是終於學懂了踏單車！這些基本功就跟游泳一樣是必須要完成的。游水米Ｂ已經學懂了，還在暑假的時候上課，精進了不少泳術。基本上到這一刻我都無憾了（誇）。
第二件事，就是參加人生第一個體操比賽，團隊還拿了豬肉獎亞軍。老實說表現並不好（原來米Ｂ是會發台瘟的XD），不過唔緊要，只重要是她還有興趣繼續下去。現在已經是第三級，希望今年可以考試合格就好了 XDDD。
第三件事，真係唔講唔知，原來舊年去了三次旅行！首先是復活節的京阪神，然後是暑假的戰隊布吉大旅行，最後就是年尾的北海道。旅行這回事，去完就財散人安樂，然後再期待另一次的旅程。
第四件事，就是煮了人生第一碟意粉 XD，多謝Anson。
其他的還有開始了午餐帶飯生捱，以及學懂了氣球扭狗，也是值得記載著的事。希望2016年也是精彩的一年!
Are U Ready 4 Life 