2019台灣之旅 – Day4-5

Day 3

快手寫完佢免爛尾。

Day 4

今天的節目也是如常的豐富。早上先在酒店Lobby享用豐富地道早點，有本人至愛的蛋餅，米Ｂ至愛窩貼，和美味蘿白糕，重點係Ｄ野食好平。

豐富早餐

Lobby開餐

之後大家坐巴士去咗個唔記得咩樂園。天氣雖然勁熱又曬，不過班細路都玩得幾開心。

入場前例牌大合照

買飛先

誓師大會？

有咩玩呢？都係跳樓機過山車氣墊球碰碰車之類啦～有個地方重有機打，最正係有強勁冷氣，可惜無凳坐。

這個slideshow需要JavaScript。

玩到無力之後就去咗誠品整玻璃杯，每人都差唔多要玩半個鐘，根據米Ｂ講都幾好玩，個製成品都好靚下。

就係呢間玻璃屋

排排坐等燒玻璃

好得意的工作服

晚餐落咗去地庫一間上海野是旦食（因為想食小籠包），但唔係特別美味，所以唔特別講了。食完行咗好遠去食薏米甜品，可惜去到想食果樣竟然賣哂，攪到連影相都無心機。今日同樣又係攰到乜咁，聽日終於返香港啦。

Day 5

朝早週圍行下，去咗間日本野食午餐，然後就坐專車出機場返屋企LU。同戰隊去旅行真係又充實又舒服，下年我地再接再厲啦~

 

暑假台灣之旅Day 3

Day 2

Day 3

今朝要離開民宿出番去台北，走之前例牌影相留念。

團友卜咗專車出台北，先去九份貓村放天燈再返西門町酒店。但開車果位大媽竟然將我地綁架咗去睇爆布同九份上面個山，喂其實無野睇囉想點啊。

這個slideshow需要JavaScript。

折騰咗粒幾鐘，終於去到九份，食咗個牛肉麵，行下街買手信食芋圓，好快就夠鐘上番車。九份比起幾年前其實都無咩改變，只係心理上覺得D野好似無以前咁好食咁。

九份著名樓梯位

必食舊道口牛肉麵

好快又走，要趕去貓村睇貓。因為開車大媽話只能夠逗留四十五分鐘，大家唯有滾水淥腳咁跑過，一邊揾路揾貓摸貓影相真係忙到乜咁。Ｄ細路一見到有貓就好興奮。

這個slideshow需要JavaScript。

跟住本來係要去十份放天燈，但大媽表示擔心塞車要番台北，妖咁你又叫我地喺貓村趕餐死？真係勞氣不過都無計，我反正都唔鍾意放天燈呢件事所以就算數，不過下次咪鬼幫襯佢啦！坐咗粒幾鐘車䉒台北西門町，今次間酒店好唔錯，有免費小食，間房又大，好舒適下。

Lobby位有野食

唔駛錢嘅小食

我地間房都幾大

休息咗一陣大家又出街行，先去玩夾公仔，但我們一家對於夾公仔都屬殘廢水平，所以得個睇字，最後QQ睇唔過眼我地太廢，結果送咗一隻比米Ｂ。然後大家唔知點解咁走咗入間玩具鋪度揀公仔，而米B就睇中咗隻角落生物。本來淘寶應該平好多嘅不過算啦去旅行就係要用高價買下廢物先開心。

盡在不言中 XD

多謝QQ

用咗百三呅買咗呢舊野

人人有份永不落空

之後大家去食燒肉，我地將班細路放埋一枱，由得佢地自己燒自己食，結果米Ｂ都係食咗好少，同埋跟本就係Anson燒哂，大小姐真係慣咗有人服侍。之後又去射槍夾公仔啦，我就去咗寵物店買野，攪完一輪米Ｂ同我都已經攰到乜咁，終於有得返酒店。

聽日去樂園玩，真係每日Ｄ節目都好豐富囉。

>>> Day 4-5

暑假台灣之旅 Day2

Day 1

Day 2

今日係去農莊耕田插下秧咁，由於驚埃瘋會跌落田所以無拎出黎，相都係喺朋友Fb度偷番黎。感覺係赤腳踩落淤泥度好恐怖，滑溜溜又絕住咁又勁驚會PK，結論係我唔想做農夫 XDDD

耕田之餘重有好多野做嘅，好似坐耕田車抬擔挑扯大纜玩鴨玩貓磨米磨冰煎鴨蛋卷整豆樽仔咁，節目豐富。

這個slideshow需要JavaScript。

午餐都唔錯但搶唔夠肉食，夾咗一次就無哂。個白肉同苦瓜都幾好味。整體黎講都多野玩，可惜我整日都因為頭痛欲裂無咩心機，近年次次去親旅行都唔舒服個人真係虧，唉。米Ｂ就天生係咁樣嘅，並唔係唔開心，大家留意番。

玩到四點幾就走人去食鴨宴，又鮑魚又鴨皮壽司，個鴨湯超正但大家都超級飽，食到Ｄ野剩哂，點解個套餐份量咁騎呢，八人餐有兩隻鴨真係奇鬼怪。

好攰咁嘅樣

喺個鑊前面大合照

食完去夜市行咗一陣就返民宿休息，充實又飽足嘅一日（重好攰）。

＞＞＞Day3

暑假台灣之旅2019 (Day1)

轉眼又十一月，簡單記一記今次台灣之旅。

Day1

機場集合，由於擔心節外生枝，今次轉坐機場快線，其實都算快又方便（時為八月尾，坐的是港鐵不是黨鐵）。過關後入禁區才發現翠華已摺，焗住幫襯泰國餐廳的早餐，又貴又難食，唉。

阿肥話又唔帶朕去唔開心

晨早留留係咁嘅樣

其實都算難食但都要五十幾

細路集合影相

今次坐國泰（頭盔：幾個月前買架啦），個飛機餐真係令人無言，不過個電視都夠大嘅，又有好多電影睇，竟然有閃靈真係笑咗，不過因為航程太短所以唔睇啦。

天氣真好

個飛機餐想點

閃靈呀好驚呀

臨落機先眼訓

順利到達過關，出機場就有專車接送到宜蘭，車程大約個半鐘左右。中途去了整麻糬。本來舊麻糬好地地，整完之後就覺得唔係幾想食 XD

專車接送真係爽

米Ｂ同米合照

排排坐整麻糬

成品睇落好難食 XD

等車返民宿

好快又去到民宿，裝修都幾有特色，大廳有波波池，每間房都有滑梯同公仔，如果3-4年前嘅米Ｂ應該會好開心，而家又只係哦一聲。

跟住坐的士出去晚飯同夜市。呢間駿懷舊餐廳Ｄ野食好好味又唔貴，裝修都幾有特色。原來"鴨賞"係宜蘭特色食品，重幾好食，可惜要雪藏帶唔到番香港。

食完去夜市行街，夾公仔做神鎗手，估唔到米Ｂ會有興趣玩又真係射到喎，最後贏咗支筆 XD

之後大隊去按摩，我地離隊先返民宿訓覺，真係好豐富嘅一日，好鬼攰。

>>>Day 2

韓國飲飲食食Running Family（下）

接上集

Day4
床太細訓得麻麻地，但休息過後感覺好過尋日。朝早去粥店食鮑魚粥，明明之前食過覺得超好味，今次可能係要一人食一碗，真心好辛苦。鮑魚粥無味，蟹粥ＯＫ，最好食都係最平嘅蠔粥不過有小小腥味。我地三個人夾埋只係食到一碗多Ｄ，超級浪費食物。應該唔會再encore根本無咁大食囉。

細路都一大碗

蟹粥OK啦

鮑魚粥無味嘅

食完粥坐長程地鐵去一個超大商場，有個場比班細路玩。因為只係米爸入咗去陪細路所以唔知咩料，我就無所事事咁行來行去，無咩想買，然後又頭痛又好攰連相都無乜點影。班細路玩完就去Shakeshake食漢堡包，都幾好味。

排排坐地鐵

好CUTE

呢隻野幾得意

漢堡包好味, 香港都有分店

無聊影下相

之後坐車去食鮑魚，味道ＯＫ啦，重有蟲食真係好得人驚，不過班細路就慘Ｄ，無野食要食辣麵，而米Ｂ竟然食咗好多，又升呢啦佢，返香港可以挑戰冬蔭功。

等開飯

有蟲蟲食

牛油煎鮑最好味

鮑魚刺身無乜味

Day5
訓覺又覺得好咗，今日去玩RunningMan，入個場玩遊戲揾野咁，玩咗１個鐘，都幾攰但都幾好玩。之後重去咗個大便樂園但我無力影相不過都幾好玩的。

鏡屋好易撞頭

要離地30秒

好似要30秒拍220下

都唔算好低分啦 XD

 

大便入口

金廁所同大便蛋糕

出口的大便樹洞

然後又係食野時間。今日下午茶係韓式炆豬手，多得團友用韓語溝通，原本無得食都變有得食。味道係幾好不過我覺得唔係好夠飽，不過咁就啱啦，夜晚去明洞附近行街食炸雞，正呀（又食）XD

豬腳好好味

韓國老闆好好傾

呢款炸雞好脆

但蒜油炸雞先正呀！

行街中途發生小插曲，話說成班人入咗Line Store，QQ想問隻公仔有無discount但又驚驚地，米Ｂ就自告奮勇咁陪佢去問店員，幾個細路圍威喂咁喺counter度問野好得意～（可惜最後係無discount)　行完街就結束我地最後一晚喺韓國，聽日就返香港啦～

好可愛的貓不過無買

綿花糖檔細路至愛

借來影相的綿花糖

睇朋友仔夾公仔

政策係只影不買

成班人仔去冒險

好多Line Store

地鐵海報幾得意

明洞夜景

行緊地下商場

Day6
朝早自由活動行街買野，我地無咩想買就訓到十點。之後去食埋個人蔘雞就坐專車出機場返香港啦～多謝團友的安排！

人蔘雞但無蔘味

就係呢間鋪

專車往機場好舒服

今次旅程雖然全程爛口講野都痛、又傷風病咗幾日頭痛到裂、隻右腳又痛到好似殘疾人士去滑雪咁樣、阿女又整唔見八達通、日日食熱氣野攪到燥火到爆唇瘡……但係都巧開心因爲幾廿歲人黎學snowboard 竟然成功咗、又買到鍾意嘅袋同鞋（夾埋都係四舊水）、心目中諗住買嘅面膜膏、重有情人節禮物收（幾廿年都無收過今次真係破記錄）、而且領隊們安排妥善食買玩交通都好好， 下年我地同樣時間再見 XD

走啦走啦

機場的機械人

細路最鍾意玩行李車

戰利品

韓國snowboard trip（上）

為免重蹈上次TRIP爛尾的覆轍，今次韓國TRIP就一次寫哂算。

Day0
大初二半夜出發的凌晨機，雖然機上安靜又帶齊訓覺裝備（眼罩頸枕），但可惜全程未能入睡，三個多小時的航程雖不算長，但落機時帶著疲累的身軀在機場等巴士，對四十多歲老人家來說真是非常煎秏，亦埋下了傷風感冒的伏線。

上機前打機

訓覺。。。ZZZ

細路落機幾精神

我的早餐

Day1
五時到達機場，等待七時半的巴士往滑雪場。車上理所當然的補眠，約十一時多到達滑雪酒店。落車不久米Ｂ問：為甚麼滑雪場無雪？嗯。。。

終於行到Lobby

開局

午飯後（個飯hea到唔想講，總之咪喺韓國食日本野啦）按原定計劃去了水上樂園，因為無帶電話入去所以無相。入邊尚算温暖，也有熱水池但浸完起身凍到乜咁。我因太倦在沙灘椅上睡著約半小時，醒來無所事事，米Ｂ就自己去玩。匿喺暖房打一陣機約四點幾大家話要走了。其實個水上樂園都唔算大，玩幾野就玩哂。沖涼梳洗後去咗間韓國餐廳食晚飯，味道不錯但米ｂ太攰米爸又唔舒服又嘔，結果浪費了不少食物。

夜晚有躉躉生日會～

Day2
訓咗一晚元氣恢復，朝早竟然落咗雪真係好驚喜。一早去上期待已久的Snowboard Lesson，教練是個高大的韓國哥哥，兩個小時轉眼就過叫做學識咗基本野，食完午飯就上山碌落黎，因為雪唔夠跌到好痛，隻腳又唔知做乜好痛，結果玩咗幾轉就收工。開始傷風，米Ｂ玩得唔好所以心情好差。夜晚又返去間韓國餐廳食差唔多嘅野，米爸同Anson就繼續夜滑自己攪掂。

雪場午餐真係一般般

Day3
早餐後繼續帶痛腳玩snowboard，好在今日我同米Ｂ技術都好咗，跌少咗同可以控制左右移動，下次應該可以上更加高挑戰中級雪道。玩到三點幾就還裝備再坐巴士出番市區明洞。途中因為架巴士好Ｑ焗又坐得唔舒服，耳仔塞咗覺得自己好似潛咗水咁。晚餐前掃街，有人喺街邊買龍蝦食好開心咁，米Ｂ就食燒雞。是日晚餐係懶人燒肉，味道唔錯重有人燒埋，飯來張口都幾爽不過因為唔舒服食乜都無乜味覺。唔知點解感覺市區重凍過滑雪場，食完都無力行街就返酒店休息，好在真係好近。房間雖然細但都幾企理。

酒店房一眼睇哂

燒龍蝦多謝一舊

燒雞都幾好味

燒肉晚餐

（寫唔哂添，待續先）

下集

 

2018大事回顧

I hate 2018，由年頭憎到年尾，很多好人死了，壞人繼續作惡，貓大病一場。。。不過，無論我憎唔憎都好，地球仍然轉動，子女亦會繼續長大，人和貓又無穿無爛順利過渡。

對米Ｂ來說，2018還總算是不錯的一年，開始嘗試很多新的東西，也有點收獲。最大件事當然是拎到人生中第一個金牌。滾軸溜冰是今年才開始學習，她一試便愛上了，玩得還算不錯。雖然因此是放棄了藝術體操，轉而跟學校教練玩跆拳道，也在學校再開始學小提琴，又因為去Superpark而喜歡上玩滑板，興趣來說也夠多了，暫時就這樣罷。

今年跟朋友們去了北海道玩雪，遊記又一如所料的爛尾。不過米Ｂ滑雪還算可以，下年去韓國希望能學會滑雪板。

跟戰隊的活動減少了，長大後大家都忙碌起來，很難才能夠約齊人，連沙灘也去少了。七月時一班人去了玩Nerfgun，結果我家又多了兩支槍和百多發子彈 （有個購物狂阿媽真係頭痕 XD)。

身體算很健康但上個月首次染上病毒性腸胃炎，由半夜嘔到第二日好陰功，之後對太興的白切雞有童年陰影唔肯再食。另外米B在前幾天終於學會了鋤大D，於是我們每晚就會開局（賭神培養中），總好過打機Youtube吧。啊對了隨著時間過去網絡成癮的問題更嚴重了，我們日哦夜哦老是為這個吵架，最近看新聞說screen time太長會導致大腦發展變異，也特別分享了給米Ｂ看，希望她來年會有所改善罷。

以前青春期的細路來說其實算是不太難攪，期待2019年！

11歲!!!

Dear 米B,

光陰似箭，又係你一年一度嘅生日。

踏入雙１１，表示你已經一名正式的兒童，可以拿兒童身份證了。在我眼中你其實已經成為一名pre-teen，準青少年。有時情緒會稍為激動，但大部份時間都是望著電話屏幕，聽著headphone，沉醉在自己的世界之中。

話雖如此，但你每晚都仍然肯分享自己的事，學校的事（不過多數無咩好講，一個悶字），都算係咁了。思想成熟了一點，會肯主動去温習（但經常輸比惰性），成績算是不過不失，希望無驚無險上中學吧。

近日經常覺得你言談之間對自己信心不足，聽聞是這個年紀的通病，特別係女仔。其實在父母眼中你算是個很不錯的女兒，擁有一把亮麗的長髮，很慳家不會亂買東西，早上不賴床，又不會亂發脾氣，也有正義感會幫助受欺凌的同學，學習上不用我們太擔心，滾軸溜冰也溜得很好，這些其實都是很好的東西，要珍惜自己，將來你就會知道其實自己很不錯。

未來一年你將會升中，我們懷著戰戰競競又承惶承恐的迎接你的青春期，希望大家都能愉快。

祝永來一年繼續快樂。

無論如何都愛你的

爸爸媽媽

11歲～